Mia loka eo-grupo, la Vilanova Eo-Grupo kunvenas en Civita Centro de Sant Joan de Vilanova i la Geltrú, kie ĉiujare okazas tio kion ili nomas la "kristnaska tosto". Ĉijare okazos la 18an de decembro je la 19a horo.

1) En tiu festo oni prezentas la krist-naskan arbon ĉe kiuj branĉoj ĉiu grupo aganta en la centro pendigas ion ajn por vidigi la "vivon de la grupo". Tio povas konsisti je iu ajn objekto, du aŭ tri dimensia kiu proksimuma grandeco estu 20x20[x20] cm. Oni povas prezenti ion ajn, ekzemple bildojn, fotojn, objektojn, ktp. rilatajn al la agado de la grupo. Ĉar venontjare oni festos la internacian jaron de la lingvoj, do ni povus pendigi alegorion rilate al tio aŭ io tia.

2) En la festo la grupoj ankaŭ partoprenas per demonstro de io rilata al sia agado, eĉ, se eblas, rilata al krist-nasko: ekzemple tiuj kiuj lernas ludi gitaron, ludos krist-naskan muzikon, tiuj kiu lernas teatron, prezentos krist-naskan teatraĵeton, ktp.

Nun, jen la tubero en la afero! Kion fari? Ĉu vi povas doni ideojn al mi? Bonvolu skribi rekte al vilanova ĉe esperanto.cat

La direktorino de la Civita Centro proponis ke ni disdonu presitan kristnaskan kanton en esperanto al ĉiuj ĉeestantoj por kunkanti. Ĉu vi konsideras tion oportuna? Ĉu vi povas rekomendi iun ajn taŭgan kristnaskan kanton?

Mi avide atendas viajn iajn ajn kunlaborojn, inter ili vian rektan ĉeeston la 18an en Vilanova;)