Tiu katalunia paĝo estas sensignifa.

Mi kredas, ke formiko tuŝan ŝlosilan punkto pri klaku.net
Se temas pri internacia forumo mi kredas, ke estas seninteresa la publikigo de unu kurso ie en la mondo: por mi estas same sensignifa la instruado de esperanto en unu difinita loko en alia flanko de la mondo. Se temus eventuale pri aktivula retlisto, en kiu oni analizus, kie estas plej bone direkti nian informandon, tio povus esti interesa. Se kiel novaĵo per si mem, la informado pri unu kurso ie ajn estas sensignifa. Guto en oceano.
Mi kredas, ke estas pli bone ne aldoni tiajn novaĵojn por ne ŝarĝi la retejon pri fatraso. Kaj mi certe ne klakos sur tiaj novaĵoj.

Mi konsentas kun denizo, cenzurigo NENIAM estas la vojo!!

Sed mi tute malkonsentas kun sam kaj formiko!
Mi ŝatas legi pri kursoj en aliaj landoj, kiam mi legas tio, mi pensas: "bonege, loĝantoj de tiu ĉi lando atingas fari kurson!!, tio signifas ke estas homoj kiuj interesiĝas por la lingvo, la movado estas aktiva, kaj mi dankas al oragnizantoj pro organizi ĝin kaj montri la kulturo al aliaj homoj, multe da fojoj estas senenspezo kaj tute volontule"

Tio signifas ke en tiu ĉi lando la movado funkcias, kaj scii tio feliĉegiĝas al mi!
Estas nur mia opinio, se vi ne ŝats tiu ĉi artikolojn, simple, ne klaku!

Anna.

Mi volas atentigi, ke mi ne parolis pri cenzurigo, kvankam mi ja pensis pri memcenzuro. Mi konsentas, ke neklakado estas la plej taŭga vojo, tamen mi celis atentigi pri tio, ke afiŝantoj klopodu esti respondecaj pri la intereso de ilia novaĵo. Ni ja starigas novan projekton kaj, neeviteble, ni, la unuaj, ne estas unuforme distribuitaj tra la tuta mondo: same okazis ekz. al alia projekto lanĉita antaŭ 120 jaroj nomita esperanto. Se tro pezas novaĵoj kun forta nacia karaktero, la projekto riskas ne disvastiĝi same rapide, kiel ni ĉiuj deziras.

Sed plezure mi aŭdos kontraŭajn opiniojn pri tio.
(Aldono: mi ne estas por sterila kaj neebla neŭtraleco -ĉu ideologia, ĉu devena. Mi simple emas debatigi interesan fakton lanĉitan de formiko)

Laŭ mi oni publikigu en Klaku kion ajn konsideros interesa, grava, aŭ iel ajn publikiginda. La novaĵojn prioritatigas la tuta uzantaro mem pere de la klaka sistemo. Kaj, bone, laŭ la opinio de la klaku-uzantaro, ĝis nun tiu ĉi novaĵeto atingis 17 klakoj. Ĝi ne estas la plej populara novaĵo sed ja indis lokon inter la plej popularaj.

Omabutner diris: "ĉu KLAKU devas esti TUTMONDA kaj nur TUTMONDA amaskomunikilo aŭ tamen la homoj povas publikigi kaj disvastigi REGIONAJ aŭ LANDAJ artikoletoj?"
Tamen, mi ne komprenas vian diferencigon. Ne ekzistas "Tutmondajn artikolojn" ĉar iu ajn evento okazas en konkreta kaj fizika ter-punkto, t.e. en iu lando aŭ regiono.
Sekve, nur aro da novaĵoj el diversaj geografiaj punktoj kreos "tutmondan" ilon.
Do, bv. publikigu novaĵojn el viaj landoj! Tio nepras se ni volas, ke Klaku iĝu vere multflanka kaj internacia novaĵretejo.

Klaku.net evoluas tre bone :-)

Rimarku ke jam okazas kiel en Digg aŭ Meneame: La novaĵoj parolas pri la Kurso en Sabadell... kaj la komentoj pri filozofaj debatoj, hehehehehehehehehe

gufulo: "estas esence bona, ke la lingva diverseco de nia mondo estu videbla"

Prave. Tamen ĝis ia nivelo. Sen kontrolo, en plena tutmondiĝo, la malpli uzataj lingvoj (i.a. esperanto) estas malaperigataj. Provu publikigi esperante (aŭ katalune, aŭ ĉeroke) en Digg aŭ Meneame kaj via mesaĝo neniam atingos signifecon. Do malgrandaj komunumoj (ne nur lingvaj) serĉas konstrui siajn proprajn spacojn de komunikado kaj pro tio Klaku estas bonega kaj eĉ necesa ilo.

Ĉiuokaze, kiel mencias joan, la eventuala problemo ŝajnas pure teoria. La kvanto de esperantlingvaj uzantoj de Klaku plej verŝajne puŝos en sensignifecon iun ajn aperuntan novaĵon en alia lingvo.