Dankon lemono !

Ĝuste pro tio ankoraŭ mi ne "publikigis" ĝin, ĉar mi volis pripensi kiel faciligi la komprenon de ĝi.

Kelkvorte ĝi enhavos :

Aron da RSS-fluoj
Liston da esperantaj retejoj (ligiloj)
Uzanto-profilojn
Aron da raportoj (skribaj, filmaj, aŭdaj)
Simplan babilejon
Bildarojn

Ĉiuj eroj estos kategoriitaj laŭteme, laŭevente.

La advantaĝo de fenestro.net, same kiel klaku.net kaj aliaj sociaj retejoj, estas ke iu ajn povos partopreni, riĉigi la retejon, per aldono de RSS-fluoj, ligiloj, persona profilo, ktp. Eblos ankaŭ voĉdoni pri la eroj, tiel, iom post iom estos eble facile trovi plej popularan enhavon, plej popularajn retejojn, ktp, laŭ temo kiu interesas onin, ktp.

La strukturo estas sufiĉe bonkvalita laŭ mia opinio, nur kiel vi rimarkigas malfacilas kompreni kiel ĝi funkcias komence. notu ke oni povus aldoni pliajn eblecojn (ekzemple forumon, mapojn, ktp). Sed la sukceso de la retejo dependos de ĝia riĉigo (profiloj, ligiloj, raportoj) fare de esperantistoj.

amike salutas,
boris