Myspace estas reta komununo kiu ĉefe permesas onin koni la amikojn de ties amikoj. Temas pri privata entrepreno, kiel preskaŭ ĉiuj en la reto, kaj mia unua impreso estis ke temis pri la kutima stultaĵa retejo por amikiĝi.

Antaŭ kelkaj monatoj amiko mia diris al mi ke ĝi estas ege utila por muzikbandoj, ĉar ankaŭ permesas aldoni elŝuteblajn kantojn, koncertkalendaron, ktp.

Kiam Kaj Tiel Plu decidis krei sian spacon en myspace, estis nur alia esperanto-bando; Hotel Desperado. Nuntempe pli kaj pli da esperantaj muzikbandoj havas sian spacon en la reto. Nur rigardu la amikaron de Kaj Tiel Plu kaj malkovros la myspace-spacon de bandoj kiel: PICHISMO, Le Punk, Dolchamar, Fajro, Martin kaj la Talpoj, DJ Kunnar, Supernova, Estegu, Vinilkosmo, La Perdita Generacio, Roĝer Borĝes...