Denova plendo kontraŭ Chávez. Tiaj plendoj fariĝis jam kutimaj kaj oftaj ĝis la enuo. Mi ne multon pli scias pri la politiko de Chávez ol kion mi legas en ĵurnaloj, kiuj estas enuige konstante kontraŭaj. Tamen, vidinte kiuj favoras kaj kiuj malfavoras la demokratie tri-foje elektitan prezidanton de Venezuelo mi rimarkis ke, kelkaj favoras lin elkore, kaj kelkaj malfavoras lin elpoŝe.

Antaŭ nelonge, multnacia entrepreno havanta intereson kaj profiton en Venezuelo pagis usonan agentejon por "krei opinion". Tiuspecaj agentejoj pagas centojn da ĵurnalistoj tra la tuta mondo, por ke ili skribu ion ajn iel ajn. Foje oni pagas rekte per mono, ĉeko aŭ enkasigo; foje la metodoj uzataj estas pli subtilaj.

Tion dirite, mi ne entute pravigas la politikon de Chávez. Kelkajn metodojn mi ege malŝatas, kelkan popolismon, kelkajn religiajn enpersonigojn, televidan aktorecon, ktp...

Mi ankaŭ ege malaprobas, eĉ se veni de homamasa voĉdonado, ke Chávez fariĝu Cezaro, Caro, Fuehrero... Mi malŝatas diktatorojn eĉ se loĝantaro voĉdonis tiujn amase.

Tamen, mi ja asertas ke Chávez estas la plej bona bonaĵo kiun venezuelanoj havas de la pratempo. Pri tio, mi tute ne dubas. Lernejoj, malsanulejoj, digno por ĉiuj kaj aro da sociaj servoj revataj de multaj en la mondo, plenigas nuntempe la vivon de malriĉaj venezuelanoj. Malaperigo de mizero estas vere laŭdinda, eĉ se riĉuloj perdintaj privilegiojn plendas kiel eble plej energie. Kompreneble mi kredas ke venezuelanoj meritas pli. Ili meritas ke la tutan socian plibonigon, venu de popola socia organizado, ne de ununura persono.

Eble vi ne konas kio estas la "caracazo", dum la regado de Carlos Andrés Pérez (la sama fiulo kiun Chávez provis forpeli el la povo). Mortis miloj da homoj subpremitaj de la armeo, sub la ordonoj de tiu "prezidento demokratie elektita". Poste, tiu sama homo estis elpostenigita de la Parlamento kaj procesita pro koruptado. Ja, kontraŭ li Chávez ribeliĝis. Imagu kiel populara estis tiu krimulo ke estis la ribeliĝo de Chávez kontraŭ li kio igis ebla lian balotan venkon en 1998.

Ne diru stultaĵoj pri disidentoj, persekutoj ktp. Okazis referendumo en 2003, kaj li venkis. Okazis pasintjare prezidentaj balotoj, kaj li venkis kaj ricevis preskaŭ 64% el voĉdonoj. Se vi tiom parolas pri demokratio kaj libereco, akceptu la demokration!