Kvin bibliotekoj ricevis subvenciojn de Biblioteka Apogo Roma kaj Poul Thorsen je la suma valoro de 1250 eŭroj. La subvencioj estas donataj kiel libroj laŭ la dezirlistoj, kiujn la bibliotekoj sendis kun siaj petoj. Per decido de la estrarano de UEA pri kulturo Claude Nourmont kaj ĝenerala direktoro Osmo Buller estis subvenciitaj la bibliotekoj de la madagaskara Itaosy Esperanto-Klubo (125 EUR), Sankt-Peterburga Esperanto-Societo "Espero" (135 EUR), Kolombia Esperanto-Ligo (190 EUR), Kuba Esperanto-Asocio (200 EUR) kaj Bonaera Esperanto-Asocio (230 EUR).

La kamarado Darío sendis mesaĝon en la disendolisto de KEA kaj mi volis disvastigi la paĝon por vi ĉiuj. Temas pri la Internacia Esperanto-Muzeo, fako de la Austria Nacia Biblioteko, aperigis 100 librojn skanitajn de la plej frua epoko de Esperanto, inter ili la unua gramatiko de Zamenhof.