Skiza superrigardo de ruslingvaj blogoj pri la dimanĉaj eventoj en Kosovo:

"Kiam post kelkaj jaroj komenciĝos la Granda Tohuvabohuo, kaj ĉiuj ekdemandos stultajn demandojn «Ĉu estis la punkto de nereveno? Ĉu estis la tago, kiam eblis ĉion haltigi?» — jen kiam ni rememors tiun ĉi tagon." La notico enhavas videfragmenton.

David Gonzalez kreis blogan retejon nomata Nireblog (en la eŭska ĝi signifas "mia blogo") en -ĝis nun- okdeko da lingvoj. (jes 80!) Gratulinde! (krome ĝi havas eblecon ligigi la blogaĵojn al klaku!)

Li turnis sin al esperantistoj, ne nur por disvastigi sian projekton, sed ankaŭ ĉar la esperanta versio ankoraŭ ne estas fintradukita kaj li petas onin plen-esperantigi ĝin. Ankaŭ eblus aldoni novan lingvon.

Ĉefa pagxo de la blogaro: http://nireblog.com
La esperanta versio: http://nireblog.com/eo

Kreo de novaj servoj kiel ekzemple klaku.net (io simila al digg.com) aŭ amikumu por servi esperantistojn kaj disvastigi esperantlingvajn materialojn estas tute merita kaj laŭdinda. Tamen miaopinie bontenado de tiaj servoj estas pli grava ol ilia kreado.