Jen nova programo/aplikaĵo al tiuj, kiuj interesiĝas pri du-, tri- aŭ plurdimensia prezentado de fotoj/bildoj. La aplikaĵon disvolvas kaj prizorgas Majkrosofto; por spekti la suban tridimensian foton pri iu statuo vi devas elŝuti kromprogramon al via retumilo el la oficiala paĝo de Photosynth.

Vi jam povas esperantigi vian Firefox 3. La lingva pako aperas hodiaŭ, kune kun la oficiala versio. Vizitu http://tradukado.esperanto.org.uy

En ruslingva Vikipedio, kiu aspiras superi la svedan dum someraj monatoj, uzanto Jaroslav Blanter, fama pro sia entuziasmo en diversaj interlingvaj vikipediaj projektoj, proponis kompili liston de artikoloj pri Svedio, kiuj ankoraŭ mankas (aŭ ĝermas) en ruslingva Vikipedio — por daŭre plibonigi ilin. Prezentantoj de multaj laŭtemaj projektoj aliĝis al la iniciato, kaj la laboro jam komenciĝis. Ankaŭ vi povas aliĝi aŭ alimaniere influi la Svedan Semajnon.

OoVoo estas nova aplikaĵo testita de mi kaj de aliaj kvar esperantistoj el kvar landoj. Indas submeti al provo ankaŭ al vi! La aplikaĵo ŝajne pli bonas ol Skajpo... Jen la ligoadreso por elŝuti kaj instali la programeton - http://www.oovoo.com/download ...