Mi pensas ke li bone kaptis la etoson, sed la artikolo ne plaĉis al Renata. Tina altigis al si la ŝultrojn: "Venu la venontan fojon. Tiam estu pli da kondomoj kaj malpli da drinkaĵoj."

El Nederlando, alia historiero: virino eniris banejon, portante bankostumon kiu tute kovris al ŝi la korpon, krom la vizaĝon (kial ne ankaŭ la vizaĝon?). Tiu vestaĵo, laŭdire, kun kapuĉo kaj florplena desegno tiel ke oni nur malfacile ekvidas la inajn formojn, ne estas inventaĵo de irana pastraro, sed de aŭstralia modistino, religiema modistino.

Oni povintus kredi, komence de la 1980-aj jaroj, kiam la knabinoj multope engaĝiĝis en informadikajn studojn, ke la komputilo eskapos el seksismo. Poste, tiu metio denove forte "viriĝis". Virino - naturo, viro - teĥniko : la malnova disigo ŝajnas rezisti al la novaj teĥnologioj. Per enketoj pri la malŝato de la studentinoj koncerne informadikon, oni konstatas ke la meĥanismoj de tiu marĝenigo serĉendas aliloke ol en tiu arĥaiĝinta antaŭjuĝo.